BEA GREGORES
Bea Gregores naceu en Vigo (Galicia, España) en 1995. Graduada pola Universidade de Vigo en Belas Artes e cun Mestrado universitario en libro ilustrado e animación audiovisual, especializouse nos campos de ilustración e deseño. Recibiu diversos premios no mundo da ilustración e da banda deseñada, como o primeiro premio Xuventude Crea na sección de Banda Deseñada. Actualmente traballa como ilustradora editorial e é autora de álbums ilustrados como As mulleres que cultivaban néboas e A lavandeira de San Simón entre outros.