KRUZ IGERABIDE SARASOLA, JUAN
Juan Kruz Igerabide Adunan (Gipuzkoa) jaio zen, 1956an. Irakasle ikasketak egin zituen, Filologia Hispanikoan lizentziaduna eta Euskal Filologian doktorea da. Lehen eta Bigarren Hezkuntzan irakasle aritu zen hainbat urtez, eta Euskal Herriko Unibertsitatean Mikel Laboaren katedra zuzendu du. Hainbat liburu idatzi ditu, bai narratiban, bai poesian, haur, gazte eta helduentzat. Sari garrantzitsuak jaso ditu. Besteak beste, Haur eta Gazte Literaturako Euskadi Saria 1999an, eta Espainiako Kritika Saria birritan, 1994an eta 2003an.